مجلة الشروق للشعراء العرب

((( بـــ الوم نفسي ))) ************************ كتير بـــ القاني الوم نفسي وباجي عليها وبعَيّب عشان من طيبتي يوم أنا قولت فلان دا أصيل أوي وطيب وخدت كتير على دماغي هموم ياما جابت داغي ويعتذروا أقوم لاغي جبال غضبي ... واقول طيب ................. وبرجع تاني أأمنهم عشان طبعي تملّي كريم ومش باخد حذر منهم ماانا عمري ما كنت لئيم وترجع ريمة كالعادة ب قِلة أصل تتمادى ندالة وخسة بزيادة واسلم للإله أمري واقول ربي بحالي عليم ................. وعمري فى يوم ما هتغير ولا هازرع فى قلبي انا غِل ولا اتبدل ولا واتحير واكون للكل واحة ضل ومهما العمر هايعدي هاخطي الصعب وهاعدي واقدم للجميع ودي وابدل كل أشواكي بجناين فل ==================== بقلم/ زينب سليم أحمد