مجلة الشروق للشعراء العرب

مالك حبيب القلب" غايب فينك، بتحاول ليه تقطع مابيني وبينك، حتى رسايلك من زمان ماتجيني، يهون عليك تبعد وتنسى حبيبك، قربلي واحكي لو زعلان رسيني، بس اشوفك واحط عيني في عينك، دنا حبيبي ليك سهران من بدري، عارف هتيجي، قلبي وروحي حاسينك، خايف تغيب عني، يامكتوب قدري ، واسأل عليك يقولو مش عارفينك، وادور سواح وراك، واضيع عمري، يمكن صدفة، امشي في نفس طريقك، تعالى بقى، كفاية وهل ياقمري، نوَر سما نجومها بكت من غيرك، مالك حبيب القلب غايب فينك. بتحاول ليه تقطع مابيني وبينك. ـــــــــــــــــــــــــــــــــــــــــــــــــــــــــــ فلكور شعبي غنائي بقلم / الشاعر رفعت العربى التميمي

¡¡(أخرتها إيه)¡¡ ************* مالكش حَلْ خَلّتها خَلْ الكُل مَلْ اخرِتها ايه ************* فى كُل يوم نِصحَا نقُوم نِلقَا الهُمُوم بتزيد يابيه ************* مِنهَا الفَقير بيستجيير ربَك كِبير يِشكي إليه ************* نِفسُه يعيش مايشتكيش إنه مافيش معاه جينيه ************* ياريت جنابك تؤمر رجالك تفتح له بابك وتحتويه ************* مش بالكلام يشبع ينام بالإهتمام إنت تداويه ************* توفر دواه تحلا الحياه وانت معاه جوه عينيه ************* #عبدالباسط_السياجى

((تسمحلي أقولك )) تسمحلي أقولك إنك مغرور وظالم لناسك وأناني وإن بكرة هيجي عليك الدور وإسمعها كلمة على لساني ******* الدنيا مش قوة وعافية ولا حتى بظلمك للعباد بالحب والكلمة الدافية تلاقي الخير من حولك زاد ******* والدنيا مش بس مناصب ولا ناس بتتحكم في ناس حب الناس برضو مكاسب والحب مش بالكلام وخلاص          ******* بص لنفسك وشوف روحك  لو يوم الدنيا جارت عليك  مين إللي هيداوي جروحك إرحم عذابنا الله يخليك              ******* كفاية حرام دي الناس أعذار  وخاف من دعوة المظلوم  دا ربك عالم بالأسرار  ومفيش حال أبداً  بيدوم               ******* راعي ربك وما تفتريش  أخرتها موت وقبر وعذاب  وعيش يابن أدم مهما تعيش  مسيرك راجع تاني للتراب               ******* جاه الدنيا رايح لزوال  ولا بيفضل غير عمل الخير  وزيي ماربك في كتابه قال  كان الإنسان على نفسه بصير                ******* تسمحلي أقولك  بقلمي الشاعر/ وحيد محروس

بساط الريح بحبك يا جميل الـروح تتْبَسِمْ وعيني تنـــوح عشان العـــند ودلالك دا أيامى كدا ح تروح ما أيامي بلون ليلـــى سنين والفرح ناسيـني وطول مانت بعيد عـنى ما يجي ضي في عيني عشان ماليش غنى عنك وعشت حياتي من أجـلك ياما صبرت على هجـرك خلص الصبر في صـــدك ما انا نورت قناديـــــلك نفسى يوم ما أنـادي لك تجيني ببساط الــــــريح وفى حضني أغنـــي لك الشاعر/عبدالحميدطيرالبر