مجلة الشروق للشعراء العرب

وجهة نظر كلمات أيمن البكري هيحصل إيه لو كل واحد غلط قال أسف وإعتذر دايماً بنندم بعد فوات الأوان بعد ما بنتكسر والغالب والمغلوب الكل ف الإخر خسر ودلوقتي الخيانه بقت وجهة نظر مبقاش فينا حد طيب الكل بيدوس على جرح التانى علشان تعلى وتكبر لازم تفضل كداب وأنانى الكل اتفقوا على خداعك وأقرب واحد فيهم ليك باعك شافك وإنت بتتدمر وقف يسقف على أوجاعك ومين فينا ماكنش ف يوم خاين ومن جوه مش باين مخبئ ف قلبه حاجات لو طلعت هتطرح شوك يملئ جناين مين المديون مين الداين كلنا بقينا للبيع عايز تشترى تعالى اتفرج وشوف وعاين هنا للبيع ضمير ميت وناس بتغدر وناس بتخون وناس ب الكدب تتسيط وناس بتسئ الظنون وناس عاشقه تشوف الخوف ف أى عيون وإل يقول الحق يبقى أكيد مجنون عشقنا الظلم حبينا أوسخ حاجات فينا والعدل جوانا مدفون

قصيدة بعنوان (أبعد حدود ؟؟؟؟) أبعد حدود الشوق إنك تلاقي حبيب. ترتاح له تهواه تكون متيم بيه. تحكي له عن حالك تفضفض عن إل بيك. تشكي له همك تقول له عن وجعك. ترتمي في أحضانه لمسه من إيده تكفيك لو كل النساء حواليك............ ترتاح له لو إتكلم معاك. تنسى هموم ملازماك يتحمل الصعب وياك. يشوف الدنيا بعينيك. أبعد حدود الشوق. إنك تشتاق له لو في لحظه بعد عنك.. حتى لو كان قريب منك تلاقي روحه بتهفهف. نسمه تمسح دموع بتسح على خدودك نار بتكويك..... في حزنك يواسيك. وفي فرحك يغني لك مش عيب لو رقص ليك. أبعد حدود الشوق. إنك تلاقي ونيس. إنك تلاقي جليس. تتسامر معاه تقول له. لو نكته تشوف لمعان سنه كأنها لولي من ضحكه. يضحك لك الصعب  حتى لو بيعصيك.  أبعد حدود الشوق إنك تلاقي شريك شاريك بالغالي ....... لو مرة صدفه غلط فيه إستحاله إنه يعاديك.... طيب ومحترم وجميل عفوف وحنون ونبيل تتمني منه لو نظره تطيب خاطرك تدوايك لو كان قلبك عليل......... لكن إحنا مش في  زمن العجايب  والمعجزات..... والمستحيلات.. وإرضى بال مقسوم لك وإلي بيتحمل تعبك ويحاول بقدر الإمكان إنه يرضيك أبعد حدود الشوق 27/9/2022 (ترنيمات وخواطر.بقلم.....

💝 حبٌ في خريف العمر 💝 🎁🎁🎁🎁🎁🎁🎁🎁 🌹 قصيدة للشاعر/ أشرف الفضالي🌹 👇👇👇👇👇👇👇👇 بالذي سواكِ من ماءٍ وطينْ فتنة الدنيا وزهو الفاتنين ما الذي ساقكِ نحوِي وأنا مِن فراغ القلب أجترّ السنين لاهث الأعراف أخطو وفمي            يسأل الأقدار عن ماءٍ معين فإذا حبك فيضً دافقٌ                   أستقي منه وأروي العاشقين ******************** لم يكن قبلكِ معنى لحياتي                   هي لولاكِ لكانت كالمماتِ حبُّكِ الخَلّاقُ قد نضّرها                    وسقاها مِن رحيقِ الأمنياتِ  نشر الخِصبَ عليها فزهت                 في حواشيها صنوفُ الزَّهَرَاتِ صنع الحُبُّ بها معجزةً                   خلق الجنَّة مِن أرضٍ مواتِ ******************** إن يكن حبُّكِ نارا وجِراحْ                  لا شفاني الله من تلك الجِراحْ  علّمتني كيف أحيا في الورى                  شامخَ الجبهةِ عربيد المراح وأحالت ضعفَ نفسي قوةً                   ورضوخي للبليّاتِ طماح وسمت بي للسموات العُلَى                 وأن...

قصيدة ما ردت بعت ليها بس ما ردت وكأني نسمة هوا راحت قوام وانفضت وكأني سطر اتكتب علي ورقة واترفضت وكأنها بتقول والله ما عارف حتي في قولها قابلة ولا كانت صدت جبل هي ولا ملاك سبحانه من خلاك سألتني عنها ده أنا اعمل اي حاجة في الدنيا علشانها مشوقتيها فرحانة بتقولها بلسانها وانا قلبي طاير فرحة أمتي اشوف الطرحة ولا كلها أحلام وروحي لو قامت منها اتفزعت اتخضت و منتظرها برضه ولسه ماردت #محمد_ابراهيم_حجاج

جنين♥ جنين يا أرض الطيبين ياللى فيكى الدم سايل من غصون المغرمين اللى ضحوا بروح عشانك نبقى رافعة الراس سنين دق جرس الانتقام من عدو ما عنده دين كل يوم بطش ودمار كل يوم زاد الحصار كل يوم بنعيش فى نار جوه سجن المظلومين يا رجال الغيث هلموا ازرعوا فيها اليقين ان يوم الحشد آتى وان رمانا لبعد حين صوت ولادك يا بلادى راح يزلزل جبارين والعلم على القدس يدن تحيا بلدى من جنين حتى غزة وقدس ارضى ع الخريطة منورين بقلمي الشاعرة أرزي زيدان

🎈🎈🎈🎈🎈🎈🎈 بلالين 🎈🎈🎈🎈🎈🎈🎈 أنفخ همومك . في الهوى . وطَيّر معقول ياعمري . رجعت تتغير              مستني تفرح ؟ حتى الفرح . زيّر                     أصل القلوب . موجوعة وتحير                    دا الضهر محني . والوش مِتْجَيّر                       يعني اللي باقي . من عمرنا قصير                    أنفخ همومك . في الهوى . وطَيّر                   خد مني وردة 🌹وإفرح بقى نَوّر                     إمسح دموعك . وتعالى نتصور                    عيش اللي باقي . وفسعدها فكر                   إنسى إللي راح . وبلاش بقى تدور                   ياخي الحياه . من الجري ٠ بتعور                   أنفخ همومك . في الهوى . وطَيّر      🎈🎈🎈🎈🎈🎈🎈🌹🎈🎈🎈🎈🎈🎈🎈                                   شادوليات                     شاذلي محمد عبدالرحمن حسين .

قلبي عندك ليه تبعديني عنك د انا كنت حته منك خليتي الموت قريب من طول البعد عنك نسيت الفرح عندك مش عارف إن بعدك عذاب وحزن دايما دانا فرحي كان في قربك وضاع مني بهجرك دانا قلبي عاش يحبك مسجون عايش في قلبك كان أملي ف نظره منك واعيش العمر جنبك دانا قلبي وكلي ملكك حبيبي بلاش عناد وبلاش طول البعاد كفايةأنا شوقي زاد حبك ده مش بإيدي دم بيجري ف وريدي وحشتني كلمه منك وانت بتنده حبيبي هنايا أعيش في قلبك قلبي مفروش بودك محتاج إنه يضمك كان عايش لجل خاطرك واسأل قلبك يدلك من اللي شاري حبك وعاش يتمنى قربك ليه بعت وزدت بعدك دانا قلبي لسه عندك محتاح لحضن قلبك بقلم الشاعرفهمى محمود حجازى