أرض فاضية بقلم الاستاذ هشام كمال
ارض فاضيه .....
خلى بين قلبى وقلبك مسافه
ارض فاضيه..
لو فى يوم الدنيا تشتى بالمطر
تطرح شجر
ويكون ما بينا اشتياق
نتلاقى فيها
نطلع عليها
ونشوف سوى
طلة قمر .....
.........................
خلى بين قلبى وقلبك مسافه
ارض فاضيه
لو فى يوم جه الطوفان
من ناحيتى ومن ناحيتك
نجرى عليها .....تلمنا
والناس حيارى حولنا..
نسيوا الحنان
وتكون دى ارض الاشتياق
ارض الميلاد
لما يركب كل واحد مننا
هم الحياه
.......................
نتلاقى فيها
نبدر بذور
نستنى فيها لما تدور
الدنيا اكبر م البحور
ودى ارض فاضيه ..
على أدنا
بس بصراحه ملكنا
...................
ما تزعليش من فكرتى
لما بقول...
خلى بين قلبى وقلبك مسافه
ارض فاضيه
خليها ديما للشتياق
مش للفراق
أوحد تانى يبنيلو بيت
خليها يوم يا صحبتى
لما نكون انشغلنا فى الحياه
وزهقنا من كل الضجر
والشعر شاب
والقلب منا راح وداب
فيها نلتقى
من غير عتاب
او حتى باب
مقفول ...بيمنع حبنا
خليها ارض تلمنا
وتكون مسافة للشتياق
انا اصلى عارف اننا
جوانا اكبر من حنين
صوته اتخرس
لكنه موجود وعارف سرنا
خلى المسافه بيننا
ارض المعاد
لو ارضنا ف يوم
اتزلزلت من تحتنا
ومفيش مكان ...
ولا اهلنا
نوصل هناك
نرمى اللى كان
ورا ضهرنا
وتكون بداية عمرنا
نكتب شهادات الميلاد
وتكون وطنا وحبنا
نزرع شجر
ويحوط علينا
يمنع بشر
توصل الينا
خلى بين قلبى وقلبك مسافه
للاشتياق
ودى ارضنا ...
بقلمى .....هشام كمال
19/10/2018
تعليقات
إرسال تعليق