لما قلت في يوم هسافر بقلم الشاعر والكاتب زياد رفعت العربي
لما قلت في يوم هسافر،
بالي كان مشغول بٱمي،
خفت غدر الدنيا بيا،
أرجع الاقيها غايبه عني.
وأتخيلت فراقها عيني،
نزلت دموعها غصب عني،
ولما إنتبهت جريت عليها،
قلت يمه لحضني ضمي.
يكفي لما ابص ليكي،
بنسى بيكي كل همي،
طبطبت إيدها الحنونه،
قالت روحي وحته مني.
قلتلها الغربه كتير ملعونه،
وانا عنك ولا يوم مستغني،
قالت انت النور لعيوني،
ووريدي اللي بيوصل دمي.
بغيابك كيف هيمشوني،
وانت واخد الروح مني،
رب هنا ماهو رب هناك،
ورزقك المقسوم هيجيلك،
طعم الغربه مالهش مزاق،
وارض وطنك دوا لعليلك،
واللي يفارق لمحبينه،
عمره يضيع مايعيش متهنى.
والأرض اللي تعيش فوقيها،
عمر فيها وازرع وأبني،
ليه هتفوتها وليه تخزيها،
هي اولى تحييها يابني.
هو أحنا بنضمن اعمارنا،
هضيع بدري لو فكرنا،
كنا قبلك وأتحملنا،
من اكبرنا ولأصغرنا،
عشنا ماضينا وعشنا حاضرنا،
وياما بلاوي عليها صبرنا،
يوم نحزن واهو يوم بنغني.
عاوز ترضي طموحك يعني،
وتشتري غربة مال وتبيعني،
لو هتجبلي كنوز الدنيا،
بغيابك ولا شيء ينفعني.
إنسي يمه سفري خلاص،
ياجنتي وقمر وناس،
إنتي وطني التاني يا ٱمي،
ولو انا ع الدنيا بيكي اساس.
ــــــــــــــــــــــــــــــــ
بقلم / الشاعر زياد رفعت العربى
تعليقات
إرسال تعليق