يا زهرة عمر بتفتح بقلم الشاعر رفعت العربي التميمي
يازهرة عمر بتفتح،
في عز ربيعها قطفوكي.
الأيام والدنيا قاصدينك،
بسلاح الغدر خانوكي.
راحت طلة كانت بسمة،
لاهلك لما يشوفوكي.
صحاب خاينة كانوا لوعدك،
بسكينة تلمه دبحوكي.
ياحضن كان دافي بيريح،
يا قلب امك وابوكي.
صريخ الدار علي صوته،
بدموع كل اللي حبوكي.
ياعمر خاين اتحكم فيه،
على ايد شيطانه بتموتي.
ظلام وحل بدروبك،
كان نورها بيكي لما تفوتي.
كان حلمك تفرحي ياعروسه،
بفستان وطرحه يلفوكي.
طلع قدرك كفن بايت،
مستني بيه يغطوكي.
رصيف حياة وكان مقطوع،
منه ليه يمشوكي.
كان ذنبك ايه ياعمر يضيع،
لا حياة ولا دنيا قبلوكي.
ليكي الآخرة يازهرة مكانها في الجنة،
وليكي حنة بفرحة وملايكة يزفوكي.
ــــــــــــــــــــــــــــــــــــــــــــــــ
بقلم / الشاعر رفعت العربى التميمي
تعليقات
إرسال تعليق