قربك أملي بقلم الشاعرة أرزي زيدان

قربكَ أملي

لو كان حبّك هوّا أماني ...

وهوّا الدم اللي ف شرياني

حبيبى .. من لما قابلتك ...

وانتَ النبض اللي ف وجداني

حبك هوّا الهوى و الميّة ...

وهوّا اللحن بكل اغاني

أسهر ويّا الليل و اسمعها ...

وانتَ ياروحي بتعزف تاني

قرّب منّي يا أجمل غنوة ..

و اوعى تسيب الدمع يعاني

كل بحور الشوق ما تكفي ...

لو أشربها تدوب فى ثواني

حضنك غايتي و قربك أملي ...

أوعى يا قلبي فى يوم تنساني

كل حياتي آهات من بعدك ...

حتى شموع الليل كرهاني

لو هتحدّى كل العالم ..

لازم قمرك .. يوم يلقاني

بقلمي الشاعرة أرزي زيدان