ليه يا خالي بقلم الشاعرة أرزي زيدان

ليه يا خالي؟

لما ظلمك يبقى عادة

تبقى يا خالي غريب

سوط بيشرب قهوة سادة

فوق كرامتى زي ديب

والكلام اللى سمعته

والله مالي فيه نصيب

كان منايا تكون حكيم

تمسح الدمعات حبيب

بكرة فجر الحق يطلع

والظلام عنك يغيب

واللى داس ع الحق يشبع

من كلام حتما مريب

بس قولى تبقى والد

ولا فعلا شيء غريب

يظلم البنت البريئة

والكلام يطلع عجيب

ربى حسبي من كلامك

ربى حسبى من عوار

زى طعم السم يهلك

فى الجناين والعمار

والنهاردة جايه اقولك

خالى ولا ده هزار

بقلمي ✍️ الشاعرة أرزي زيدان